කොළඹ පෝර්ට් සිටි සංවර්ධන ව්‍යාපෘතිය නැරඹීම සඳහා අධිකරණ අමාත්‍ය අලි සබ්රි මහතා අද (15) නිරීක්ෂණ චාරිකාවක නිරත විය.
එහිදී අදහස් දැක්වූ අධිකරණ අමාත්‍ය අලි සබ්රි මහතා පැවසුවේ, වරාය නගර ව්‍යාපෘතිය මෙරටේ වේගවත් සංවර්ධනයක් සඳහා උත්තේජනයත් ලෙස යොදාගත හැකි බහුවිධ සංවර්ධන ව්‍යාපෘතියක් බවයි.
එහිදී අමාත්‍යවරයා වැඩිදුරටත් පෙන්වා දුන්නේ, වර්තමාන අභියෝග ජයගෙන විශ්වාසයෙන් නැගී සිටිය හැකි
ශ්‍රී ලංකාවක් ගොඩනැගීමට මෙම ව්‍යාපෘතිය තුළින් හැකිවනු ඇති බවය.
මෙම කොළඹ වරාය නගරය, මුහුද ගොඩකර නිර්මාණය කළ හෙක්ටයාර 269ක් වු භූමි භාගයකින් සමන්විත වන අතර, මෙම සංවර්ධන ව්‍යාපෘතිය ප්‍රධාන පරිශ්‍ර 5කින් සමන්විත වේ.
