දිවයිනට බස්නාහිර, නිරිත සහ දකුණු දෙසින් වන ගැඹුරු සහ නොගැඹුරු මුහුදු ප්‍රදේශ සඳහා අවවාදාත්මක නිවේදනයක් නිකුත් කර ඇති අතර, ධීවර සහ නාවික ප්‍රජාව මේ පිළිබඳ අවධානයෙන් සිටින ලෙස ද දැනුම් දෙයි.
ඒ අනුව එම ප්‍රදේශ විටින් විට ඉතා රළු විය හැකි මුහුදු රළ මීටර් 2.5-3ක් පමණ ඉහළ යාමේ හැකියාවක් තිබේ.
මේ අතර බස්නාහිර, සබරගමුව සහ මධ්‍යම පළාත්වලත් ගාල්ල සහ මාතර දිස්ත්‍රික්කවලත් විටින් විට වැසි ඇති වීම් හැකියාවක් ඇති අතර, වයඹ පළාතේ වැසි වාර කිහිපයක් ඇති විය හැකි බවද කාලගුණ විද්‍යා දෙපාර්තමේන්තුව සඳහන් කරයි.
මධ්‍යම කඳුකරයේ බටහිර බෑවුම් ප්‍රදේශවලත් උතුරු, උතුරුමැද, වයඹ සහ දකුණු පළාත්වල සහ ත්‍රිකුණාමලය දිස්ත්‍රික්කයේ සුළඟේ වේගය විටින් විට පැ.කි.මී 30 – 40 දක්වා වැඩි වීමේ හැකිවක් පවතී.
ඊයේ (14) සවස කාලගුණ විද්‍යා දෙපාර්තමේන්තුව විසින් නිකුත් කර ඇති එම නිවේදනය අද දිනට ද වලංගු වේ.
