ශ්‍රී ලංකා ගුවන් හමුදාව සිදුකළ ගුවන් ආවේෂණ නිරීක්ෂණයේ ප්‍රතිඵලයක් වශයෙන් අනවසර ගංජා වගා වැටලීමේ මෙහෙයුමක් සිදුකර ගංජා කිලෝග්‍රෑම් 5788 ක් අත්අඩංගුවට ගෙන ඇත. ගුවන් හමුදා බුද්ධි ආරක්ෂක පද්ධතිය මේ වගාවන් පිළිබඳ දත්ත ලබාගනු ලැබුවේ MA-60 ගුවන් යානා මගින් ලබාගත් දත්ත ඇසුරිණි.
ගුවන් හමුදා රෙජිමේන්තු විශේෂ බලකාය හා පොලිස් විශේෂ කාර්ය බලකාය ඒකාබද්ධ මෙහෙයුමක් ලෙස අම්පාර කුමන රක්ෂිතයේදී මෙහෙයුම සිදුකෙරිණ. අත්අඩංගුවට ගත් ටොන් හයකට ආසන්න ගංජා තොගය MI-17 භාණ්ඩ ප්‍රවාහන හෙලිකොප්ටර් යානාවකින් සහශ්‍රවේලී පොලිස් විශේෂ කාර්ය බලකා කඳවුර වෙත ගෙන එනු ලැබීය.
අවස්ථා හයකදී එම ගංජා තොගය ප්‍රවහනය කෙරුණු අතර ගුවන් හමුදාවේ අංක 08 ප්‍රවාහන ගුවන් යානා බලඝනය මෙහෙයුමට දායකත්වය සැපයීය.
