ගම්පහ සෞඛ්‍ය සේවා අධ්‍යක්ෂක කාර්යාලයේ සේවකයින් කොවිඩ් මර්ධන කටයුතු සඳහා ආයතනයෙන් බැහැරව රාජකාරි කරන බව හඟවා ගම්පහ ඒකල ප්‍රදේශයේ පිහිටි පෞද්ගලික ආපන ශාලාවක අලුත්වැඩියා කටයුතු සඳහා යොදවා ඇතැයි වාර්තා වෙයි.
උදෑසන සේවයට පැමිණෙන සේවකයන් උදෑසන සේවා මුරය සඳහා පැමිණි පසු අධ්‍යක්ෂකවරයා විසින් එහි සේවකයන් හට තර්ජනය කරමින් බියවද්දා තමන්ගේ පෞද්ගලික කාර්යන් සිදුකරගන්නා බවට සෞඛ්‍ය සේවා අධ්‍යක්ෂක කාර්යාලයේ සේවකයන් චෝදනා කරයි.
සෞඛ්‍ය සේවා අධ්‍යක්ෂවරයාගේ ස්ථිර සේවා ස්ථානය වනුයේ වතුපිටිවල රෝහල වන නමුත් තම දේශපාලන බලපෑම් උපයෝගි කරගනිමින් ගම්පහ සෞඛ්‍ය සේවා අධ්‍යක්ෂක තරනතුරේ රැඳි සිටින මොහුට විරුද්ධව මින් පෙරද විවිධ චෝදනා ද එල්ල වී ඇතැයි ද වාර්තා වෙයි.
මින් පෙරද ප්‍රදේශයේ රෝහලක මෘත ශරිරාගාරයක කාර්යක් ඉටු කිරීමේදි ශරීරාගාරය ඉදිකිරිමේ කටයුතු අවසන් වීමට පෙර අදාළ කොන්ත්‍රාත්කරුට ද විශාල මුදලක් ගෙවීම සම්බන්දයෙන් අදාල අධ්‍යක්ෂකවරයා හට බස්නාහිර පළාත් විගණන දෙපාර්තමේන්තුව මගින් ද පරීක්ෂණයක් පවත්වමින් සිටියි.
තවද මොහු රජයේ වෛද්‍ය නිලධාරීන්ගේ සංගමයේ හිටපු විධායක සාමාජිකයකු වීමද විශේෂත්වයකි.
