අගමැති සහ ජනාධිපති සාමකාමී විසඳුම් සොයමින් සිටින බවත් තමන් නම් තමන් ගුරුවර්ජන විසඳන හැටි දන්නා බව හඟුරන්කෙත පැවති උත්සවයකදී හිටපු උසස් අධ්‍යාපන අමාත්‍යවරයෙකුද වන වත්මන් පාර්ලිමේන්තු මන්ත්‍රී එස්.බී. දිසානායක මහතා ගුරු වර්ජනය සම්බන්ධයෙන් මෙලෙස අදහස් පළ කලේය.
ගුරු වර්ජන මම නම් දන්නවා විසඳන හැටි. හැබැයි ජනාධිපතිතුමාත් අගමැතිතුමාත් මේකට සාමකාමී විසඳුමක් නේ හොයන්නේ. අද අගමැති සමඟ තියෙන සාකච්ජාවේ දී එතුමාලා කියන දේ විශ්වාස කරයි කියලා අපි හිතනවා. එහෙම නැත්නම් ඒ වර්ජනය මර්දනය කරලා අපි ඉස්කෝලේ පටන් ගන්නවා.එහෙම අතීතයේ කරලා තියෙනවා. සිරිමාවෝ බණ්ඩාරනායක මැතිනිය කරලා තියෙනවා. ජේ.ආර් ජයවර්ධන කරලා තියෙනවා. ලෝකයේ පොහොසත් වුණ රටවල්වල විරෝධතාවලට ඉඩ දීගෙන හිටියා නම් අදත් අපේ වගේ දුප්පත් රටක්.ඒ අය ලෝකයේ පොහොසත් රටවල් වෙලා තියෙන්නේ ඒ විරෝධතා යටපත් කරලා වැඩේ කරපු නිසා.
