පොලොන්නරුව ඓතිහාසික මෙන්ම පුරාවිද්‍යාත්මක උරුමයක් වන කිරි වෙහෙරේ ප්‍රතිසංස්කරණය කටයුතු යැයි කියමින් මධ්‍යම සංස්කෘතික අරමුදල විසින් යකඩ ඇණ සිය ගසා එහි ඉපැරණි බදාම තට්ටුවට හානි සිදුකරමින් සිටිම බව කියමින් එහි වාසය කරන භික්ෂූන්වහන්සේලා විසින් විරෝධතාවයක නිරත විය
ඊයේ (25) මෙම විරෝධතාව පැවති අතර එම අවස්ථාවට සහභාගී වෙමින් පුරා විද්‍යාත්මක ස්ථාන සුරැකීමේ සංවිධානයේ සභාපති පූජ්‍ය උඩස්ගිරියේ සමිත හිමියන් සඳහන් කරනුයේ මධ්‍යම සංස්කෘතික අරමුදල විසින් අඩි හයක් පමණ චෛත්‍ය පුරා පැවති ඉපැරණි බදාම ඉවත් කර ප්‍රතිසංස්කරණය කිරීම් කටයුතු සිදුකරන බවත් ඔවුන් විසින් කිරිවෙහෙරට ඇණ ගසා විනාශ කරමින් බවතින බවයි.
“ඓතිහාසික පොලොන්නරුව කිරිවෙහෙර කියලා කියන්නේ අවුරුදු 900ක් පැරණි පුරා විද්‍යාත්මක හා ඓතිහාසික උරුමයක්.මේ ඓතිහාසික උරුමය විනාශ කරන්න මධ්‍යම සංස්කෘතික අරමුදල විසින් කටයුතු කරගෙන යනවා.දැන් මධ්‍යම සංස්කෘතික අරමුදල මගින් අඩි හයක් පමණ චෛත්‍යය වටේටම පැරණි බදාම අයින් කරලා ප්‍රතිසංස්කරණය කරන්න යනවා.දැනටමත් අයින් කරලා.විශාල යකඩ ඇණ ගහලා.අවුරුදු 900ක් පැරණියි මේ බදාමවලට.කිරිවෙහෙර ඉතාම පරිස්සමෙන් වුවමනාවෙන් කළ යුතු සංරක්ෂණයක්.නමුත් ඒ කිසි දෙයක් නෑ.මේ අය ඇණ ගහලා විනාශ කරනවා.
වෙන රටවල පුරා විද්‍යා ඉස්මාරක සංරක්ෂණය කරන්නේ කොහොම ද? ඒක දන්නේ නැද්ද? පුරා විද්‍යා දෙපාර්තමේන්තුව මේකට අවසරය දුන්නාද? බුද්ධ ශාසන අමාත්‍යංශයේ ලේකම්වරයා වී ඕ ජී දොස්තර මහත්තයෙක්. වී ඕ.ජී දොස්තර මහත්තුරු පුරාවිද්‍යාව ගැන දන්නේ මොනවාද? අගමැතිතුමා තීරණයක් ගන්නවා පොලොන්නරුව පූජා නගරය කාපට් කරන්න.කිරිවෙහෙර ප්‍රතිසංංස්කරණය කරන්න.හැබැයි අගමැතිතුමාටත් හිතුමතයට එහෙම කරන්න බෑ.පුරා විද්‍යාවත් මේවට අවසර දීලා තියෙනවා.ඒක පුරා විද්‍යා නීති රීති උල්ලංගනය කිරීමක්.අගමැතිතුමාට සූරියවැව ක්‍රීඩාංගනය හදනවා වගේ මේ පොලොන්නරුවේ ඓතිහාසික පූජා නගරය කාපට් කරන්නවත් කිරිවෙහෙර ට හානි කරන්නවත් බෑ.පුරා විද්‍යා දෙපාර්තමේන්තුව අද පුරා විද්‍යාත්මක ස්ථාන ආරක්ෂා කරන එකක් නෙමෙයි.ඒ අයගේ බෝඩ් එක වෙනස් කර ගන්න වෙනවා.ඉපැරණි ඉඩම් වෙන්දේශි කිරීමේ දෙපාර්තමේන්තුව කියලා.අපි මේකට විරුද්ධව පුරා විද්‍යා ආඥා පණත ප්‍රකාරව නඩු මගට යනවා.”
