අමාත්‍ය මණ්ඩලය තුල ප්‍රමාණවත් සාකච්ඡාවකින් තොරව අමාත්‍ය මණ්ඩල පත්‍රිකා අනුමත කරගන්නා බවට අමාත්‍ය විමල් වීරවංශ චෝදනා කරයි. ඔහු වැඩිදුරටත් සඳහන් කරනුයේ ඇතැම් පත්‍රිකා ප්‍රමාණවත් සාකච්ඡාවකින් සිදුවූයේ නම් රට තුල සිදුවු ඇතැම් දේ නිවැරදි වීමට හැකියාවක් තිබු බවය.
“සමහර අමාත්‍ය මණ්ඩල පත්‍රිකා එදා දිනයේම එනවා එදා දිනයේම ප්‍රමාණවත් සාකච්ඡාවකින් තොරව අනුමත කරගන්නවා. ඕනම හොඳ දෙයක් උනත් ක්‍රියාවට නගද්දි සැලසුම් සහගතව ගොඩනගන්න ඕනේ. ඒවගේම කාලය,දීපය, දේශය,කුළය,මලය මේ හැම දේම හොයන්න ඕනේ තව වසංගතයක් තියන කාලෙක මේ වගේ දේවල් කරන්න හොඳද මේ ඒකට කාලයද, සමාජය බලගන්නන්න පුලුවන්ද, ඒකට ගොවිජනතාව මානසිකව සූදානම් කරන්න පුලුවන්ද?, ඒකට කෘෂිකර්මාන්ත යාන්ත්‍රණය සූදානම් කරන්න පුලුවන්ද මේ හැමදේම තක්සේරු කරලා ඒවගේම ඒකට රසායනික පොහොර සමාගම් වලින් එන්න පුලුවන් ප්‍රතික්‍රියා කොහොමද ඒකට මුහුණ දෙන්නේ කොහොමද වගේ මහා සාකච්ඡාවකින් සැලසුමකින් සිදුවිය යුතු දෙයක් මේ වගේ වසංගත තත්වයකට මුහුණ දීලා ඉන්න කාලෙක ඒ තීරණය ගත යුතුද කියලත් සලකලා බැලිය යුතුව තියෙනවා.
ඇත්ත වශයෙන්ම මේ පිලිබඳ ප්‍රමාණවත් සාකච්ඡාවක් ආණ්ඩුව ඇතුලේ සිදුවුනානම් සමහර දේවල් මීට වඩා නිවැරදිව කරන්න පුලුවන්කම තිබුණා. මම මේ ගැන අමාත්‍ය මණ්ඩලයේදිත් ප්‍රශ්න කලා මේක සුදුසු ක්‍රමයක් නෙමෙයි කියන එකත් මම කියලා තියනවා” යැයි අමාත්‍යවරයා පවසා සිටියේය.
