රක්ෂිත බන්ධනාගාරගත කරසිටි සමගි ජනබලවේගයේ පාර්ලිමේන්තු මන්ත්‍රී රිෂාඩ් බදියුදීන් ඇප මත නිදහස් කර තිබේ.
පාස්කු ඉරුදින ත්‍රස්ත ප්‍රහාරය සම්බන්ධයෙන් වූ නඩුවකට අදාලව කොටුව මහේස්ත්‍රාත් අධිකරණයෙන්ද, සිය නිවසේ මෙහෙකාර සේවයේ යෙදි සිටියදී බාලවයස්කාර දැරියක් පිළිස්සී මියයෑම සම්බන්දයෙන් වූ නඩුවකට අදාලවද කොළඹ මහෙස්ත්‍රාත් අධිකරණයේදි මන්ත්‍රිවරයාට ඇප නියම කර ඇත.
ඒ අනුව රිෂාඩ් බදියුදීන් මන්ත්‍රීවරයාට රුපියල් ලක්ෂ 10 බැගින් වූ ශරීර ඇප දෙකක් මත මුදාහැරීමට නියෝග කල මහේස්ත්‍රාත්වරිය සැකකරුගේ විදේශ ගමන් තහනම් කරන බවටද නියෝග කළ මහේස්ත්‍රාත්වරිය ලබන වසරේ පෙබරවාරි මස 18වන දින නඩුව කැඳවීමටද නියෝග කර සිටියාය.
