පාසල් මේ මස 21 වැනිදා විවෘත කළද විදුහල්පතිවරුන් සේවයට වාර්තා නොකරන බව ලංකා විදුහල්පති සංගමය අධ්‍යාපන ලේකම්වරයාට දන්වා ඇත.
ගුරුවරන්ගේ සහ විදුහල්පතිවරුන්ගේ වැටුප් ගැටලුවට තවමත් විසඳුමක් නොලැබී ඇති බැවින් එම තීන්දුව ගත් බව ද ලංකා විදුහල්පති සංගමයේ ලේකම් පියසිරි ප්‍රනාන්දු අධ්‍යාපන ලේකම්වරයා යවා ඇති ලිපියේ සඳහන් තිබේ.
ජාතික හා පළාත් සභා පාසල්වල සේවය කරන ශ්‍රී ලංකා විදුහල්පති සේවයේ විදුහල්පතිවරුන්, නියෝජ්‍ය විදුහල්පතිවරුන් සහ සහකාර විදුහල්පතිවරුන් එම තීන්දුව ක්‍රියාත්මක කරන බව ද එම ලිපියේ වැඩිදුරටත් සඳහන් වේ.
