2021 දෙසැම්බර් මස 29වැනි දින ප්‍රකාශයට පත් කරන ලද 17.44% ක අගයකින් මගී ප්‍රවාහන බස් රථ වල ප්‍රවේශ පත්‍ර ගාස්තු වැඩිකිරීම ඊයේ (05දා) සිට (00.01 පැයේ සිට) ක්‍රියාත්මක වන බව ජාතික ගමනාගමන කොමිෂන් සභාව විශේෂ නිවේදනයක් නිකුත් කරමින් දන්වා සිටියි.

ඒ අනුව ඊයේ සිට ශ්‍රී ලංකා ගමනාගමන මණ්ඩලයේ හා මගීසේවා අවසර පත්‍ර යටතේ ධාවනය වන පෞද්ගලික බස් රථ සඳහා ක්‍රියාත්මක විය යුතු සාමාන්‍ය සේවා (ආසනගත) ගාස්තු අවස්ථා 350 සඳහා වන ගාස්තු ලැයිස්තුවක් ඉදිරිපත් කර ඇත.

අන්තර් පළාත් මාර්ගයන්හී ධාවනය වන සාමාන්‍ය (ආසනගත), අර්ධ සුඛෝපභොගී, සුඛෝපභෝගී, අධි සුඛෝපභෝගී සහ අධිවේගී මාර්ග අධි සුඛෝපභෝගී බස්රථ සේවාවල (ශ්‍රී ලංගම සහ මගීසේවා අවසරපත්‍ර යටතේ ධාවනය වන පෞද්ගලික) සම්පූර්ණ බස් ගාස්තුව පහත සඳහන් වෙබ් අඩවිය මගින් ලබාගැනීමට හැකි බවද ජාතික ගමනාගමන කොමිෂන් සභාව වැඩිදුරටත් දැනුම් දෙයි.

https://ntc.gov.lk/Bus_info/bus_fares.php