අද (03දා) දින සිට කොළඹ කොටස් වෙළෙඳපොළේ ගනුදෙනු කාලපරිච්ඡේදය මිනිත්තු 30කින් දීර්ඝ කර තිබේ.

ඒ අනුව පෙ.ව. 10.30 සිට ප.ව. 2.30 දක්වා සාමාන්‍ය වෙළෙඳපොළ ගනුදෙනු සඳහා කොළඹ කොටස් වෙළෙඳපොළ විවෘතව තබනු ඇති අතර, මීට පෙර කොටස් වෙළෙඳපොළ මෙලෙස විවෘතව පැවතියේ පෙ.ව. 11.00 සිට ප.ව. 2.30 දක්වාය.

පූර්ව ගනුදෙනු සැසිය මෙහිදී පෙ.ව. 10.00 සිට පෙ.ව. 10.30 දක්වා ක්‍රියාත්මක වන අතර පෙ.ව. 10.30 ට විවෘත වෙන්දේසියෙන් පසු දෛනික සාමාන්‍ය ගනුදෙනු පෙ.ව. 10.30 සිට ප.ව. 2.30 දක්වා පැවැත්වෙනු ඇත.

මේ අනුව ගනුදෙනු සඳහා කොටස් වෙළෙඳපොළ විවෘතව තැබෙන සම්පූර්ණ කාලය පැය 4කි.

Pre-open session – 10.00 a.m. to 10.30 a.m.

Open Auction – at 10.30 a.m.

Regular Trading – will commence at 10.30 a.m.

Market close – 2.30 p.m