දූපතක ඇතැයි කියන නිධානයක් අත්අඩංගුවට ගැනීමට ගිය සැකකරුවන් තිදෙනෙකු අත්අඩංගුවට ගත් බව පොලීසිය සඳහන් කරයි.
අනුරාධපුර නාච්චාදූව වැව මැද තිබෙන දූපතක නිධානයක් මෙලෙස ගොඩ ගැනීම සඳහා ඔවුන් තිදෙනා ගොස් ඇති අතර මොවුන් තිදෙනාගෙන් එක් අයෙකු කපුවෙකු බව බවද පොලීසිය සඳහන් කරයි.
මෙලෙස අත්අඩංගුවට පත්ව ඇත්තේ රත්නපුර කහවත්ත ප්‍රදේශයේ පදිංචිව සිටි යන්ත්‍ර මන්ත්‍ර ගුරුකම් සිදු කරන 64 හැවිරිදි පුද්ගලයකු සහ අනුරාධපුර කීරික්කුලම ප්‍රදේශයේ පදිංචි වයස අවුරුදු 54 සහ 36 වියේ පසු වන සැකකරුවන් තිදෙනෙකු බවද සඳහන්.
නාච්චිදූව වැව මැද තිබෙන එක් දූපතක පිරිසක් නිධානයක් ගොඩ ගැනීම සඳහා කැණීම් සිදුකරන බවට අනුරාධපුර පොලිස් මූලස්ථානයේ ස්ථානාධිපතිවරයාට ඊයේ (29) දින ලැබුණු තොරතුරකට අනුව මෙම අත්අඩංගුවට ගැනීම සිදුකර ඇත.
අත්අඩංගුවට ගත් සැකකරුවන් අද (30 දා) අනුරාධපුර අධිකරණයට ඉදිරිපත් කිරීමට නියමිතව තිබුණි.
