ත්‍රිකුණාමලය හඹරණ ප්‍රධාන මාර්ගයේ සැරිසරමින් සිටි වන අලියෙකු පසු පස කැබ් රථයකින් ලුහුබැඳ එම වන අලියාට හිංසා කිරීමට යම් උපක්‍රමයක් භාවිත කිරීමේ චෝදනාව සම්බන්ධයෙන් අත්අඩංගුවට ගත් කැබ් රථයේ රියදුරු අධිකරණයට ඉදිරිපත් කිරීමෙන් පසු රුපියල් ලක්ෂ දෙකක දඩයක් ගෙවන ලෙස කැකිරාව දිනා විනිසුරුවරයා විසින් නියම කලේය.
අදාල රියදුරා අධිකරණය හමුවේ තමන් සිදුකල වැරුද්ද පිලිගැනීමෙන් අනතුරුව විනිසුරුවරයා විසින් මෙම දඩ මුදල් නියම කලේය.
වන සත්ව හා වෘක්ෂ ලතා ආඥා පනත යටතේ වන සතුන්ට අවහිර කිරීමේ සහ හිංසා කිරීම් තහනම් මාර්ගයක් ලෙස නම් කර ඇති ත්‍රිකුණාමලය හබරණ ප්‍රධාන මාර්ගයේදී 2021 දෙසැම්බර් මස 25 වන දින සැකකරු වරදක් සිදුකර ඇති බවට වන ජීවි නිලධාරීන් විසින් ඔහුට එරෙහිව කැකිරාව මහේස්ත්‍රාත් අධිකරණය හමුවේ නඩු පවරා තිබුණි.
