වැඩි පොලී අනුපාත ලබා දෙන බව පවසමින් ජනතාව නොමග යවමින් රුපියල් කෝටි 450ක මුදලක් වංචා කර ඇතැයි කියන මූළ්‍ය සමාගමක් පිලිබඳව ශ්‍රී ලංකා මහ බැංකුව විසින් විශේෂ විමර්ෂයක් ආරම්භ කර තිබේ.
බත්තරමුල් සහ තවත් ප්‍රදේශ කිහිපයක ශාඛා පවත්වාගෙන යමින් 65 ෴ සහ 70 ෴ ඉතා අධික පොලී අනුපාල ලබා දෙන බව පවසමින් විවිධ පුද්ගලයන්ගේ මුදල් තැන්පතු ලබා ගෙන එම මුදල වංචා කර ඇතැයි කියන පැමිණිල්ලක් මත මහ බැංකුව විසින් අදාල විමර්ශන කටයුතු ආරම්භ කර තිබේන බව සඳහන්.
අදාල මූළ්‍ය සමාගම මහ බැංකුවේ ලියාපදිංචියක් ලබා ගෙන නැතැයිද සමාගම් මැදුරේ සමාගමක් ලෙස ලියාපදිංචියක් ගෙන අදාල වංචාව සිදුකර ඇතැයි මහ බැංකුව විසින් කල මූළික විමර්ශණයේදී අනාවරණය වී තිබේ.
එමෙන්ම මෙම සමාගමේ මුදල් තැන්පත් කල පිරිසෙන් බොහෝ දෙනෙකු යුද හමුදාවේ විශ්‍රාමික නිලධාරීන් බවත් විශ්‍රාම ගිය පසු ලැබෙන විශ්‍රාම පාරිතෝෂික, අර්ථසාධක ආදියෙහි මුදල් මෙම ආයතනයේ තැන්පත් කර ඇතැයිද තැන්පත් කල මුදල් නොලැබීම නිසා ඇතැම් තැන්පත්කරුවන් කම්පනය හේතුවෙන් මේ වන විය අංගොඩ මානසික සෞඛ්‍ය විද්‍යාතනයේ ප්‍රථිකාර ලබමින් සිටින බවද වාර්තා වෙයි.
