අවුරුදු ගණන් ඇමතිවරු වෙලා හිටිය ඇතැමුන් කෘෂිකර්මාන්තය වෙනුවෙන් කිසිවක් නොකල බවත් තමන් ඇතැමුන් දැන් විවිද බලවේග නිර්මාණය කරමින් ජනතාව රවටමින් සිටින බව ජනාධිපති ගෝඨාභය රාජපක්ෂ සඳහන් කරයි.
පොදුජන පෙරමුණ විසින් අද (09) අනුරාධපුර සල්ගාදු ක්‍රීඩාංගනයේදී සංවිධානය කල %පොදුජන රැලිය^ අමතමින් ඔහු මේ බව පැවසීය.
අවුරුදු ගණන් ඇමතිවරු වෙලා හිටිය සමහරු අවුරුදු 15ක් එකදිගට ඇමතිකම් කරපු අය අද එක එක බලවේග හදාගෙන ජනතාව අතරට ඇවිල්ලා, වෘත්තිකයන් එක්ක සම්මන්ත්‍රණ වලට ඇවිල්ලා බොරු කතා කරනවා. ඒ අය ඒ අය අවුරුදු 15ක් බලගතු ඇමතිවරු වෙලා හිටියා මොනවාද කලේ.
අපි පොඩි කාලේ අපිට පුලුවන් වුනා වක්කඩකින් වතුර ටිකක් බොන්න. අද පුලුවන්ද වකුඩගු රෝගය, පිලිකා රෝගය. මේවා දිහා බලලයි අපි කෘෂි කර්මාන්තයක් ගැන කතා කරන්නේ. නමුත් අපි ප්‍රාථමිකව ගොවි ජවතාවගේ ආර්ථිකය වැටෙන්නට දෙන්නේ නෑ. මොනම ක්‍රමයකින් හෝ ඒ ආර්ථිකය රැකගෙනයි අපි ඉදිරියට යන්නේ.
දැන් බලන්න විවිධ බලවේග හින්දා දේශපාලනික බලවේග නිසා වැඩවර්ජන වලට යනවා මම ඒ අයගෙන් ඉල්ලා සිටිනවා මේ වගේ අවස්ථාවක ජනතාව දිහා බලන්න. ඔබගේ වගකීම තියන්නේ ආණ්ඩුවට නෙමෙයි ඔබගේ වගකීම තියන්නේ ජනතාව වෙනුවෙන්, රට වෙනුවෙන් සේවය කරන්න. මම රාජ්‍ය සේවකයින්ගෙන් ඉල්ලා සිටිනවා මේ ඉදිරි අවුරුදු තුන ඇතුලත අනිවාර්යයෙන්ම සෞභාග්‍ය දැක්ම ක්‍රියාත්මක කරනවා ඒක මම වගකීමෙන් කියනවා
