පානදුර ප්‍රධාන බාලිකා පාසලක සිසුවියකට තම නිරුවත පෙන්වූ බව කියන කළුතර පොලිස් අභ්‍යාස විද්‍යාලයේ ගණකාධිකාරිවරිගේ නිල රථයේ රියදුරු බව කියන පොලිස් කොස්තාපල්වරයෙකු අත්අඩංගුවට ගත් බව පොලීසිය සඳහන් කරයි.
ඊයේ දිනයේ උදෑසන පාසලට එමින් සිටි සිසුවියන් දෙදෙනෙකුට අදාල මෝටර් රථයේ සිටි කොස්තාපල්වරයා තම ඇඳ සිටි කලිසම පහත් කර නිරුවත පෙන්වා ඇති බව අදාල පාසලේ විදුහල්පතිය විසින් පොලීසියට දන්වා ඇත.
එහිදි ක්‍රියාත්මකවූ පානදුර දකුණ පොලීසිය විසින් සැකකරු අත්අඩංගුවට ගෙන ඇත.
සැකකාර පොලිස් කොස්තාපල්වරයා මොරගහහේන මිල්ලෑව ප්‍රදේශයේ පදිංචි 36 අයෙකු වන අතර සැකකරු පානදුර මහේස්ත්‍රාත් අධිකරණයට ඉදිරිපත් කිරීමට නියමිත බවත් සඳහන්.
