යම් නිලධාරියෙතු අසාර්ථක නම් ඔහු මාරු කල යුතු බවත් ඇමතිවරුන්ට වගකීම් ඉටුකල හැක්කේ තමන්ගේ වේගයෙන්ම කටයුතු කරන නිලධාරි කණ්ඩායමක් සිටියහොත් පමණක් බව පරිසර අමාත්‍ය මහින්ද අමරවීර සඳහන් කරයි.
පරිසර අමාත්‍යාංශයේදී අද (26) පැවති මාධ්‍ය හමුවකදී මාධ්‍යෙව්දීන් නැගු ප්‍රශ්න හමුවේ පිලිතුරු ලබා දෙමින් අමාත්‍යවරයා මේ බව ප්‍රකාශ කර සිටියේය.
එමෙන්ම නිලධාරියෙකු සාර්ථකව කටයුතු කරගෙන යනවිට මාරුවීමක් ලබාදීම සුදුසු නැතැයිද ඇමතිවරුන්ට නිලධාරීන් හොඳ නැති නිසා වැඩකරන්න බැරිවුනා යැයි කිව නොහැකි නිසා නිලධාරීන් මාරු කර හෝ වගකීම නිවැරදිව ඉටුකල යුතු බවද අමාත්‍යවරයා සඳහන් කරයි.
එසේම තමන් යටතේ ඇති ආයතනවලද නිලධාරීන් නිසි ලෙස රාජකාරි නොකරන්නේ නම් ඉදිරියේදී අවශ්‍ය සංශෝදන කරගැනීමට තමන්ට සිදුවන බවද අමාත්‍යවරයා ප්‍රකාශ කර සිටියි.
