දියර කිරි නිෂ්පාදනය සඳහා භාවිතා කරන ඇසුරුම් ආනයනයට ලබා දී තිබු බදු සහන රජයෙන් ඉවත් කිරීම නිසා දියර කිරි මිල ඉහළ යාම සිදුවිය හැකි බවත් මේ හේතුවෙන් නිෂ්පාදනය පහත වැටීමට වැඩි ඉඩක් ඇති බවත් ජාතික පශු සම්පත් මණ්ඩලය සඳහන් කරයි.
දියර කිරි නිෂ්පාදන ඉහල නැංවීමේ අරමුණෙන් මෙම ඇසුරුම් ආනයනකරුවන්ට 05෴ක බදු සහනයක් ලබා දී තිබුනද මේ වන විට එම බදු සහනය ඉවත් කිරීමට රජය තීරණය කර ඇතැයිද වාර්තා වෙයි.
මෙම බදු සහනය ඉවත් කිරීම නිසාවෙන් නිෂ්පාදන වියදම ඉහල යන බවද එ් නිසා මිල වැඩිකිරීමට සමාගම් විසින් දැනටමත් ඉල්ලීම් කර ඇතැයිද සඳහන්.
ඩොලර් හිඟයක් පවතින අවස්ථාවක ගත් මෙම තීන්දුව නිසාවෙන් ආනයනයන් සීමා වී ඇති බවද ඒ නිසා ඉදිරියේදී දියර කිරි නිෂ්පාදනය පහත වැටීමේ අවධානමක් ඇති බවද එම මණ්ඩලය සඳහන් කරයි.
