උගසට තබා ඇති තම ඉඩම සින්න වීමට යාමේදී ඉඩමේ ඔප්පුව බේරාගැනීමේ අරමුණින් හෙරොයින් ජාවාරමට සම්බන්ධ වූ බව කියන සැකකරැවෙකු ඊයේ (09) හෙරොයින් ග්‍රෑම් විස්සක් සමග මොරටුව අඟුලාන පාලම අසලදී අත්අඩංගුවට ගත් බව අඟුලාන පොලිසිය සඳහන් කරයි.
මත්ද්‍රව්‍ය පිළිබඳව අදාල සැකකරුගෙන් විමසා ඇති අවස්ථාවේදී ඔහු පවසා ඇත්තේ කෝවිඩ් හේතුවෙන් සිය ආර්ථිකය කඩා වැටී ඇති බවත් මේ හේතුවෙන් තමන් විසින් උගසට තැබූ තම ඉඩම බේරාගැනීමේ අරමුණින් මෙම ජාවාරමේ නිරත වූ බවයි.
මොහු මොරටුව දන්දෙණිය වත්තේ පදිංචි දෙදරු පියෙකු බවත් මෙම සැකකරු පිළිබඳව ලැබුණු තොරතුරකට අනුව සිදුකළ පරීක්ෂාවේ දී ඔහු අත්අඩංගුවට ගෙන ඇති බවත් පොලීසිය සඳහන් කරයි.
අත්අඩංගුවට ගත් සැකකරු මොරටුව මහේස්ත්‍රාත් අධිකරණයට ඉදිරිපත් කිරීම්ට නියමිතව ඇත.
