කේතුමති කාන්තා රෝහලේ ගිලන් රථ රියදුරුට පානදුර මූලික රෝහල ඉදිරිපිටදි වෙඩි තැබීමේ සිද්ධියට සම්බන්ධ තවත් සැකකරුවෙක් අත්අඩංගුවට ගත් බව කළුතර අපරාධ කොට්ඨාශය සඳහන් කරයි.
අත්අඩංගුවට ගත් සැකකරු වයස අවුරුදු 22ක් වන හොරණ ප්‍රදේශයේ පදිංචිකරුවෙකු වන අතර වෙඩි තැබීමේ සිද්ධියට සම්බන්ධ පිරිස් වෙත පානදුර %සලිඳු^ ගේ උපදෙස් මත ආහාරපාන සහ මූල්‍ය පහසුකම් සපයා දී ඇතිතේ මෙම පුද්ගලයා බවද පොලීසිය සඳහන් කරයි.
අත්අඩංගුවට ගත් සැකකරු විදේශගතව සැඟව සිටින පානදුර පියුම් හංසක නැමැති මත්ද්‍රව්‍ය ජාවාරම්කරුගේ මුදල් අයකැමි ලෙස කටයුතු කරන අයෙකු බවටද තොරතුරු අනාවරණය වී ඇතැයිද පොලීසිය සඳහන් කරයි
අත්අඩංගුවට ගත් සැකකරු පානදුර මහේස්ත්‍රාත් අධිකරණය වෙත ඉදිරිපත් කර දින හතක රැඳවුම් නියෝග ලබා ගැනීමට නියමිත බවද සඳහන්.
