අද දිනයේදී කටාන කිඹුලාපිටිය ප්‍රදේශයට කාර්මික දෝශයක් හේතුවෙන් හදිසියේ ගොඩ බැස්වූ සිවිල් ගුවන් යානය අයත් සකුරායි ගුවන් සමාගමේ සියලු ගුවන් සේවා වහාම ක්‍රියාත්මකවන පරිදි අත්හිටුවීමට සිවිල් ගුවන් සේවා අධිකාරිය පියවර ගෙන තිබේ.
සිවිල් ගුවන් සේවා රාජ්‍ය අමාත්‍ය ඩී.වී.චානක මහතා සඳහන් කරනුයේ නැවත දැනුම්දෙනතුරු එම සමාගම විසින් යොදාගෙන තිබූ සියලු ගුවන් ගමන් මේ අනුව අත්හිටුවන බවයි.
සකුරායි ගුවන් සමාගමට අයත් සිවිල් ගුවන් යානයක් ඇතිවූ කාර්මික දෝශයක් හේතුවෙන් කටාන කිඹුලපිටිය ප්‍රදේශයට ගොඩ බැස්වූ අතර එහිදි සිදුවූ අනතුරින් එම ගුවන් යානයේ ගමන් ගත් සිව් දෙනෙකු තුවාල ලබා රෝහල් ගත කර තිබුණි.
