එල්.ටී.ටී සංවිධානය විසින් සඟවා තිබෙන රත්රන් සෙවීම සඳහා භූගත වස්තූන් නිරීක්ෂණය කරන ස්කෑනර් යන්ත්‍රයක් යොදා පරික්ෂා කරමින් සිටි පුද්ගලයන් 06 දෙනෙකු කිලිනොච්චිය, රාමනාදපුරම් ප්‍රදේශයේදී අත්අඩංගුවට ගත් බව පොලීසිය සඳහන් කරයි.
යුධ හමුදා බුද්ධි නිලධාරීන් වෙත ලැබුණු තොරතුරකට අනුව පොලීසිය හා එක්ව සිදුකල වැටලීමකදි සැකකරුවන් අත්අඩංගුවට ගත් බව ධර්මපුරම් පොලීසිය සඳහන් කරයි.
සැකකරුවන් සතුව තිබී නවීන ස්කෑනර් යන්ත්‍රයක් සහ වෑන් රථයක් මෙන්ම යතුරුපැදියක් ඇතුළු උපකරණ රැසක් අත්අඩංගුවට ගෙන ඇති අතර සැකකරුවන්ගෙන් සිව් දෙනෙකු මහනුවර දිගන ප්‍රදේශයේ ව්‍යාපාරිකයන් බවත් අනාවරණව වී ඇතැයි පොලීසිය සඳහන් කරයි.
යුද සමයේ පලායන ත්‍රස්තවාදීන් අදාල ස්ථානයේ රත්රන් වළදමා ඇති බවට හිටපු එල්.ටී.ටී සාමාජිකයෙකු ලබා දුන් තොරතුරු මත භුගත වස්තු පරීක්ෂාකරන ස්කෑනර් යන්ත්‍රයක් ආධාරයෙන් අදාල ස්ථානය පරික්ෂා කිරීමට සූදානම්ව සිිටි බවට පොලීසියට තොරතුරු අනාවනරණය වී ඇත.
අත්අඩංගුවට ගත් සැකකරුවන් මහනුවර, දිගන සහ යාපනය ප්‍රදේශයන් හී පදිංචි අවුරුදු 30-40ත් අතර වයස් වල පසුවන්නන් බවද පොලීසිය සඳහන් කරයි.
