ඉන්දියාව ඉන්ධන මිලදී ගැනීම සඳහා ශ්‍රී ලංකාවට ඩොලර් මිලියන 500ක විශේෂ ණය පහසුකමක් ලබා දීමට තීරණය කල බව ශ්‍රී ලංකාවේ ඉන්දීය මහ කොමසාරිස් කාර්යාලය සඳහන් කරයි.
ඉන්දියාව සහ ශ්‍රී ලංකාව අතර පවතින සුහදත්වට වඩාත් වර්ධනය කරගැනීමේ අරමුණින් මෙම ණය පහසුකම ලබා දුන් බව ඉන්දියානු මහ කොමසාරිස් කාර්යාලය නිකුත් කල ටුවිටර් පණිවිඩයේ සඳහන් වෙයි.
එසේම අද දිනයේ ශ්‍රී ලංකාව විසින් කල් පිරුණු ජාත්‍යන්තර ස්වෛරීත්ව බැඳුම්කරය සඳහාද ඩොලර් මිලියන 500ක මුදලක් ගෙවූ බව මහ බැංකු අධිපති අජිත් නිවාඩ් කබ්රාල් සඳහන් කරයි එමෙන්ම මෙම ණය මුදල නොගෙවුවහොත් ශ්‍රී ලංකාව අසාර්ථක රටක් ලෙස නම් කරමින් ණය ශ්‍රේණිගත කිරීම තවදුරටත් පහළ වැටීමමේ අවධානමකට ලක්ව තිබූ බවද ඔහු සඳහන් කරයි.
