මහජනයාගේ ආරක්ෂාව වෙනුවෙන් සිදුකරන මෙහෙයුම් කටයුතුවලට නිලධාරීන් යෙදවීමේදි එම නිලධාරීන්ට ප්‍රමාණවත් විවේකයක් ලැබෙන පරිදි ඔවුන්ගේ දෛනික රාජකාරි කාලය තුල ඒ සඳහා යෙදවිය යුතු බව දන්වමින් පොලිස්පති සී.ඩී වික්‍රමරත්න විශේෂ චක්‍රලේඛයක් නිකුත් කර ඇතැයි පොලිස් මූලස්ථාන ආරංචිමාර්ග සඳහන් කරයි.
දෛනිකව සිදුකරන අපරාධ මෙහෙයුම්, දූෂණ වැටලීම් හා රථවාහන මෙහෙයුම් මින් ඉදිරියට නිලධාරීන්ගේ දෛනික රාජකාරියේ කොටසක් බවත් එය විශේෂ රාජකාරි වශයෙන් නොසැලකිය යුතු බවත් පොලිස්පතිවරයාගේ චක්‍රලේඛයේ සඳහන් ව ඇතැයි ද සඳහන්.
එමෙන්ම සෑම නිලධාරියෙකුටම ප්‍රමානයක් විවේකයක් ලැබෙන පරිදි ඔවුන්ගේ රාජකාරි සඳහා යෙදවිය යුතු බවද එම චක්‍රලේඛයේ සඳහන් ව ඇතැයි පොලිස් ආරංචි මාර්ග වාර්තා කරයි.
