සාමාජ මාධ්‍ය ජාලයක් වූ ටික්ටෝක් හී තිබූ වීඩීයෝවක් සම්බන්ද ආරවුලක් හේතුවෙන් ග්‍රෑන්ඩ්පාස්, මාදම්පිටිය පටුමග ප්‍රදේශයේ තරුණයෙකුට තියුණු ආයුදයකින් පහරදී ඝාතනය කර ඇති බව පොලීසිය පවසයි.
මෙසේ ඝාතනය වී ඇත්තේ 17 හැවිරිදි වැල්ලම්පිටිය ප්‍රදේශයේ පදිංචි තරුණයෙකි.
ඊයේ (03) දහවල් මාදම්පිටිය පටුමග ප්‍රදේශයේදී මෙම පිහි ඇනුම සිදු කර ඇති අතර තුවාලකරු කොළඹ ජාතික රෝහලට ඇතුළත් කිරීමෙන් පසු මිය ගොස් ඇතැයිද සඳහන්.
මෙම තරුණයා ඔහුගේ යහළුවන් දෙදෙනෙකු සමග අදාල ප්‍රදේශයේ හේනමුල්ල රන්දිය උයන මහල් නිවාස සංකීර්ණය දෙසට ගමන් කිරිමේදි ඔවුන් පිටුපසින් පැමිණි මෙම තරුණයාය හඳුනන තවත් පිරිසක් විසින් ඔහුට තියුණු ආයුධයකින් පහර දී ඇත.
මෙම මරණයට හේතුව ලෙස ටික්ටොක් වීඩියෝවක් සම්බන්ධයෙන් ඇතිවු ආරවුලක් බවත් සැකකරුවන් මේ වනවිට ප්‍රදේශයෙන් පලා ගොස් ඇතැයිද පොලීසිය පවසයි.
සැකකරුවන් අත්අඩංගුවට ගැනීම සඳහා ග්‍රෑන්ඩ්පාස් පොලීසිය වැඩිදුර විමර්ශන සිදුකරයි.
