ප්‍රධාන ක්ෂේත්‍ර හතරක් ආවරණය කරමින් රට පුරා එකවර දේශපාලන කටයුතු එලැඹෙන වසරේ මුල් සතියේ සිට ආරම්භ කිරීමට එක්සත් ජාතික පක්ෂය තීරණය කර ඇතැයි එහි මහ ලේකම් පාලිත රංගේ බණ්ඩාර සඳහන් කරයි.
එක්සත් ජාතික පක්ෂයේ තරුණ සංවිධාන, කාන්තා සංවිධාන, පළාත් පාලන ආයතන මහජන නියෝජිත හමුව සහ බිම් මට්ටමේ සාමාජික වැඩසටහන් මෙම ක්ෂේත්‍ර හතරට අයත් වනු බව ඔහු සඳහන් කරයි.
එක්සත් ජාතික පක්ෂ නායක සහ හිටපු අග්‍රාමාත්‍ය රනිල් වික්‍රමසිංහගේ උපදෙස් අනුව පක්ෂයේ ප්‍රතිපත්ති සම්පාදන කටයුතු මේ වනවිට අවසන් කර ඇති හෙයින් ලබන වසරේ පලමු සතියේස පූර්ණ කාලීනව දේශපාලන කටයුතු ආරම්භ කරන බවද මහලේකම්වරයා සඳහන් කරයි.
තවද බිම් මට්ටමේ පක්ෂ දේශපාලක කටයුතු ඇරඹීමත් සමග ආසන මට්ටමින් වගකීම් බාර දෙන නව සංවිධායකයින් හඳුන්වාදීමේ වැඩසටහනද මේ අනුව ක්‍රියාවට නංවන බවත් ඔහු වැඩිදුරටත් සඳහන් කරයි.
නියෝජ්‍ය නායක රුවන් විජයවර්ධන, සභාපති වජිර අබේවර්ධන, මහලේකම් පාලිත රංගේ බණ්ඩාර යන අයගේ ප්‍රධානත්වයෙන් එලැඹෙන වසරේ සිට එක්සත් ජාතික පක්ෂය සිය දේශපාලන කටයුතු ක්‍රියාවට නංවනු ලබයි.
