එක්සත් ජාතික පක්ෂයේ ජාතික සංවිධායක ලෙස හිටපු පාර්ලිමේන්තු මන්ත්‍රී සාගල රත්නායක පත් කර තිබේ.
එක්සත් ජාතික පක්ෂ නායක රනිල් වික්‍රමසිංහ විසින් මෙම පත්කිරීම සිදුකර ඇති අතර පක්ෂයේ කළමණාකරන කමිටුව අදාල පත් කිරීම සඳහා අනුමැතිය ලබා දුන් බව මහලේකම් පාලිත රංගේ බණ්ඩාර සඳහන් කරයි.
එමෙන්ම මෙම සංවිධායක ධූරය පක්ෂ කෘත්‍යාධිකාරී මණ්ඩලයට ඉදිරිපත් කර අනුමත කරගැනීමට සූදානම් බවද මහලේකම්වරයා සඳහන් කරයි.
කෙසේ නමුත් පක්ෂයේ ජාතික සංවිධායක ධූරය සඳහා නවීන් දිසානායක පත්කිරීමට කෘත්‍යාධිකාරි මණ්ඩලය තීරණය කර තිබුනද නවීන් දිසානායක විසින් එම තනතුර ප්‍රතික්ෂේප කර තිබුණි.
සාගර රත්නායක එක්සත් ජාතික පක්ෂයේ ජ්‍යෙෂ්ඨ උප සභාපති ලෙසද කටයුතු කල අතර පුරප්පාඩු වී ඇති එම තනතුර සඳහා පුද්ගලයන් දෙදෙනෙකු පත් කිරීමට නියමිත බවත් දෙමළ සහ මුස්ලිම් නියෝජනයක් ලැබෙන පරිදි ඉදිරියේදි එම තනතුර සපුරාලීමට කටයුතු කරන බවටත් මහලේකම්වරයා සඳහන් කරයි.
