ඉන්ධන මිල ඉහල යාමත් සමග එලවළු කිලෝවක මිලද පෙර පැවති ඉක්මවා වැඩිවීමක් සිදුවිය හැකි බව එළවලු තොග වෙළෙඳුන් සඳහන් කරයි.
මෙලෙස ඉන්ධන මිල ඉහල යාමත් සමග එළවළු ප්‍රවාහනයේදි මතුවන ගැටළු අවම කරගැනීමෙ අරමුණින් එළවලු මිලද ඉහල යා හැකි බවත් ඒ අනුව අවම වශයෙන් රුපියල් 10ක මිල වැඩිවීමක් අපේක්ෂා කල හැකි බවද තොග වෙළඳුන් පවසයි.
ඒ අනුව අද දිනයෙන් පසු මෙම තත්ත්වය සිදුවිය හැකි බව පවසන ඔවුන් සඳහන් කරනුයේ පොහොර අර්බුධය හේතුවෙන් පැන නැගී ඇති එළවළු අර්බුදය උග්‍ර කිරීමට ආණ්ඩුව කටයුතු කිරීම හේතුවෙන් පීඩාවට පත් වන්නේ මෙරට මහජනතාව බවත්. මේ මොහොතේ ලෝක වෙළඳපලේද බොරතෙල් මිල සීග්‍රයෙන් අඩුවන පසුබිමක ලංකාවේ ඉන්ධන මිල ඉහල දැමීම අසාධාරණ ක්‍රියාවක් බවයි.
කෙසේ නමුත් ඉන්ධන මිල ඉහල යාම හමුවේ ගොවිපලේ සිට එළවළු ප්‍රවාහනය කිරීමේදි සිදුවන දුශ්කරතා අවම කරගැනීමට එළවලු මිල ඉහල දැමීමට තමන් අකමැත්තෙන් වුවද පියවර ගන්නා බවත් තොග වෙළෙඳුන් සඳහන් කරයි.
