ශ්‍රී ලාංකේය සම්භවයක් ඇති සුපිරි බොලිවුඩ් නිළි ජැකලින් ෆර්නැන්ඩස් විසින් ඉන්දීය ප්‍රධාන පෙළේ ව්‍යාපාරිකයෙකු වන සුකේෂ් චන්ද්‍රසේකරහට හාදුවක් ලබාදුන් බවට පළවන ඡායාරූපයෙක් මේ වනවිට ඉන්දියාව තුළ මහත් ආන්දෝලනයකට තුඩු දී ඇත.
මේ සබන්ධයෙන් ජැකලින්ද නොසන්සුන්තාවට පත්ව ඇති අතර, ඇය සමාජ මාධ්‍ය වෙත ප්‍රකාශයක් නිකුත් කරමින් සමාජ මාධ්‍ය වෙතින්ම ඉල්ලා සිටියේ තමාගේ පෞද්ගලිකත්වය ආක්‍රමණය නොකරන ලෙසයි. එය තමාට මහත් පීඩාවක් බවත්, එනිසා එම ඡායාරූපය තවත් කෙනෙකු සමඟ බෙදා නොහරින ලෙසයි.
&ඉන්දියාවට සහ එහි ජනතාව මට කවදත් ඉමහත් ආදරයක් හා ගෞරවයක් ලබා දී තිබෙනවා. ඊට මගේ මාධ්‍ය මිතුරන්ද ඇතුළත්. ඔවුන්ගෙන් මම බොහෝ දේ ඉගෙන ගෙන තියෙනවා. නමුත් මේ අවස්ථාවේදී මගේ පෞද්ගලිකත්වයට සහ පුද්ගලික අවකාශයට බාධා නොකරන්න. ඒ ආකාරයේ ඡායාරූප ප්‍රචාරය නොකරන ලෙස මම මගේ මාධ්‍ය මිතුරන්ගෙන් ඉල්ලා සිටිනවා. ඔබ ඔබේම ආදරණීයයන්ට මෙය නොකරන්න. යුක්තිය සහ යහපත් හැඟීම හැමදාම පවතිනු ඇතැයි මම බලාපොරොත්තු වෙනවා* යනුවෙන් එහි දක්වා තිබුණි.
දකුණු ඉන්දීය ධනවත් ව්‍යාපාරිකයෙකු වන චන්ද්‍රශේකර් ඉන්දීය රුපියල් කෝටි 200ක් මුදල් විශුද්ධිකරණය කළ බවට මේ වනවිට නඩුවක් ක්‍රියාත්මක අතර, එම නඩුව වෙනුවෙන් පෙනීසිටීමට ජැකලින්ටද සිදුව ඇත. ඇයගෙන් මේ වනවිට තෙවතාවක්ම ප්‍රකාශ සටහන් කරගෙන ඇත.
