මොරොක්කෝවේ උතුරු දිග ප්‍රදේශයේ දුෂ්කර ගම්මානයක පිහිටි නළ ලිඳකට වැටුනු රයන් නැමති පස් හැවිරිදි කුඩා දරුවා මියගොස් ඇතැයි විදෙස් මාධ්‍ය වාර්ථා කරයි.
මෙම කුඩා දරුවා පසුගිය අඟහරුවාදා දින අඩි 104ක් පමණ පටු ගැඹුරු ලිඳක අඩි 32කට ආසන්න ප්‍රදේශයක සිරවී සිටි අතර ඔහු බේරා ගැනීම සඳහා මොරොක්කෝ සහන කණ්ඩායම් ක්‍රියාත්මක වී ලිඳට සමාන්තරව පස් කඳු ඉවත් කරමින් ලිඳ දක්වා කැණීම් සිදු කලේය.
ඒ සඳහා දින කිහිපයක් ගතවූ අතර අද (06) අළුයම දරුවා මුදා ගැනීමට සහන කණ්ඩායම් සමත් වුවත් ඔහු ඒ වනවිටත් මියගොස් ඇතැයි වාර්තා වෙයි.
දරුවා මුදා ගැනීමේ මෙහෙයුම සිදුකරන ආකාරය දැක ගැනීමට විශාල පිරිසක් පැමිණ සිටි අතර සමාජ මාධ්‍ය ඔස්සේද ලක්ෂ සංඛ්‍යාත පිරිසකගේ අවධානය මේ සඳහා යොමුවී තිබුණි.
