එලැඹෙන උත්සව සමය වෙනුවෙන් දිවයින පුරා සතොස ශාඛාවලින් විශේෂ සහන මල්ලක් පාරිභෝගිකයන්ට මිලදී ගැනීමට අවස්ථාව සලසා ඇතැයි වෙළෙඳ ඇමති බන්දුල ගුණවර්ධන සඳහන් කරයි.

ඒ අනුව සම්බා සහල් කිලෝ 10ක් ඇතුලත් මෙම සහන මල්ල රුපියල් 1998කට මිලදී ගත හැකි බවත් අමාත්‍යවරයා සඳහන් කරයි.

සතොස ක්ෂණික දුරකථන අංකය වන 1998 අංකය ඇමතීමෙන් හෝ 0115 201 998 දුරකතන අංකයට වට්සප් පණිවිඩයක් යොමු කිරිමේන්ද මෙම සහන මල්ල ඇණවුම් කල හැකි බව ඔහු පැවසීය.

සම්බා සහල් කිලෝ 10ක්, දුඹුරු සීනි කිලෝ 02ක්, නූඩ්ල්ස් පැකට් 01, තේ කොල ග්‍රෑම් 100ක්, හාල්මැස්සන් ග්‍රෑම් 250, සබන් කැට 02ක් සහ පපඩම් පැකට් 01ක් මෙම සහන මල්ලට ඇතුලත්ව ඇතැයිද අමාත්‍යවරයා පැවසීය.